Bespreek asseblief per epos, SMS of telefoon minstens 24 uur vooraf. Die ingangshek word gesluit en daar is nog by die hek, nog elders op die plaas telefoonontvangs.

Die padaanwysings is op die hoofblad beskikbaar. Druk asseblief die aanwysings uit en moenie op GPS alleen staatmaak nie. Daar is geen telefoniese hulp vir verdwaaldes nie.

Op die plaas Deelfontein en die omliggende buurplase, geleë in die Vredefort Koepel Wêrelderfenisgebied, lok 'n netwerk van skilderagtige staproetes, die Vredefort Meteoriet-staproetes, die stapper of drawwer na die ongerepte natuurskoon en veiligheid van hierdie natuurbewaringsgebied 140km vanaf Johannesburg. Deelfontein is 20km vanaf Parys, 14km vanaf Vredefort, en 45km vanaf Potchefstroom in die Vrystaat. Die roetes is goed gemerk en beslaan 'n totale afstand van meer as 60km. Sirkelroetes vir daguitstappies tussen 2 en 12 km sowel as oornagstaproetes tot 4 dae in drie kampe is moontlik. 

Beplan u roete aan die hand van die beplanningskaart. Die staproetekaart kan hier afgelaai word, of op Google Maps tydens die staproete besigtig word. 'n Beskrywing van die sirkelroetes is hier beskikbaar. Raadpleeg die webwerf www.hikinginthedome.co.za vir meer inligting, en volg die aanwysings vir bespreking op daardie webwerf indien u vir 'n oornagstaptoer wil bespreek. ONS VRA OM VERSKONING DAT HIERDIE INLIGTING TANS NIE BESKIKBAAR IS NIE. DIE KAARTE EN WEBWERF WORD OPGEDATEER. DIE ROETES IS EGTER STEEDS IN GEBRUIK. GEBRUIK DIE KONTAKBESONDERHEDE HIERNAAS.

Aanmelding: Voorafbespreking is noodsaaklik. Bespreek asseblief beide daguitstappies en oornagstaptoere met eerste oornagting op Deelfontein by die eposadres hiernaas. Indien u 'n oornagstaptoer met eerste oornagting by Thwane of Baskop wil bespreek, raadpleeg asseblief die webwerf www.hikinginthedome.co.za.

Tariewe: R100 per persoon vir daguitstappies. Die fasiliteite vir piekniek, braai en swem by die boskamp is by die prys ingesluit. Vir oornagstaptoere bedra die tarief R180 per persoon per nag.